कीर्तिपुर भेट्रान्स फोर्टीप्लस ओपन फुटसल प्रतियोगिताको उपाधि फ्रिडम फाइटर्स ‘बी’ ले जितेको छ। शनिबार भएको फाइनलमा फ्रिडम फाइटर्स ‘ए’ लाई २–१ ले हराउँदै फ्रिडम फाइटर्स ‘बी’ प्रतियोगिताको च्याम्पियन बनेको हो ।
कीर्तिपुर भेट्रान्स क्लबले आयोजना गरेको प्रतियोगितामा ३० टीमको सहभागिता थियो । कीर्तिपुरस्थित एसएस कृनगर फुटसलमा प्रतियोगिता शुक्रबार र शनिबार गरी दुई दिन सञ्चालन भएको थियो।
फ्रिडम फाइटर्स ‘बी’ ले उपाधिसँगै ५० हजार र उपविजेता फ्रिडम फाइटर्स ‘ए’ ले २५ हजार रुपैयाँ, प्रमाणपत्र, मेडल र ट्रफी पाए ।
प्रतियोगितामा फ्रिडम फाइटर्स ‘बी’ का कमल विष्ट उच्च गोलकर्ता, फ्रिडम फाइटर्स ‘ए’ का राजकुमार घिसिङ उत्कृष्ट खेलाडी र बाखत फुटसलका धनबहादुर पुन उत्कृष्ट गोलकिपर घोषित भए।
