अर्जेन्टिनी कप्तान लियोनल मेसीले विश्वकप फुटबलको नकआउट चरणमा पहिलो गोल गरेका छन्। पाँचौं विश्वकप खेलिरहेका मेसीले शनिबार राति अन्तिम १६मा अस्ट्रेलियाविरुद्ध गोल गर्दै विश्वकपको नकआउटमा पहिलो गोल गरेका हुन्।
करिअरको १ हजार खेल खेलिरहका मेसी विश्वकपका २२ खेल खेल्दा नकआउटमा गोल गर्न असफल थिए। मेसीले अस्ट्रेलियाविरुद्ध ३५औं मिनेटमा गोल गर्दै अर्जेन्टिनालाई गोल गरेका थिए।
यो मेसीको जारी विश्वकपको तेस्रो गोल हो भने विश्वकपको नवौं गोल हो । योसँगै मेसीले अर्जेन्टिना महान खेलाडी डिएगो म्यारानाडोको रेकर्ड तोडे। विश्वकपमा म्याराडोनाले ८ गोल गरेका थिए।
विश्वकपमा सर्वाधिक गोल गर्ने कीर्तिमान आफ्नो नाममा लेखाउन मेसी अब २ गोल मात्र पछि छन्। उनीमध्य अघि १० गोल गरेका ग्याब्रिअल बाटिस्टुटा छन्।
