उरुग्वेका भेट्रान स्ट्राइकर लुइस सुआरेजलाई ब्राजिलयमा भव्य स्वागत गरिएको छ। व्यवसायिक फुटबल खेल्न ब्राजिल पुगेका सुआरेजलाई बिहीबार भव्य स्वागत गरिएको हो।
३५ वर्षीय स्ट्राइकर सुआरेजले गत सातामात्र ब्राजिलियन क्लब ग्रेमिओसँग ३ वर्षको सम्झौता गरेका थिए। उनी फ्रि ट्रान्सफरमा ग्रोमिओमा आबद्ध भएका हुन्।
बिहीबार सुआरेजलाई स्वागत गर्न ग्रेमिओको रंगशालामा भरिभराउ दर्शकको उपस्थिति थियो । ग्रेमिओ एरिनामा ३० हजारभन्दा बढी दर्शक उपस्थित भएको जनाएको छ।
सिजनको सुरुआतमा स्पेनिस क्लब एट्लेटिको मड्रिड छाडेपछि सुआरेजले ६ महिना घरेलु क्लब नासिओनलबाट खेलेका थिए।
ग्रेमिओ यसैसिजन सिरिए बीबाट ए मा बढुवा भएको हो। युरोपियन फुबटलमा राम्रो प्रदर्शन गरेका सुआरेजले ग्रेमिओमा पनि सोही लय समात्ने विश्वास गरिएको छ।
सुआरेजले इंग्लिस क्लब लिभरपुल, स्पेनिस क्लब बार्सिालेना र एट्लेटिको मड्रिडबाट खेलेका छन्।
