नेपाली पुरुष भलिबल टिम श्रीलंकासँग पराजित

बंगलादेशमा जारी एसियन सेन्ट्रल जोन पुरुष तथा महिला भलिबल च्यालेन्ज कपमा नेपाली पुरुष टिम पराजित भएको छ। शनिबार ढाकास्थित शाहिद सुरवार्दी इन्डोर स्टेडियममा भएको खेलमा नेपाल श्रीलंकासँग ३–१को सेटमा पराजित भयो ।

खेलको पहिलो सेट श्रीलंकाले २५–१८ ले जितेको थियो । दोस्रो सेट नेपालले २५–२२ ले जित्दै खेललाई १–१को बराबरीमा ल्यायो । त्यसपछिका दुई सेट २५–१६ र २५–१५ ले जित्दै श्रीलंकाले ३–१को जित निकाल्यो ।

प्रतियोगितामा नेपालको पुरुष टोलीको यो दोस्रो हार हो । यसअघि नेपाल आयोजक बंगलादेशसँग ३–०को सोझो सेटमा पराजित भएको थियो भने दोस्रो खेलमा नेपालले उज्वेकिस्तानमाथि ३–१को जित निकालेको थियो ।

अब नेपालले आइतबार माल्दिभ्सको सामना गर्नेछ।

Facebook Comments Box