३४ औं राष्ट्रिय भलिबल प्रतियोगितामा समुह बी अन्तर्गत गण्डकी प्रदेशलाई ३–० को सोझो सेटमा हराउँदै त्रिभुवन आर्मी क्लब सेमिफाइनल प्रवेश गरेको छ ।
समुह बी मा रहेको आर्मीले लगातार तेस्रो जितसहित सेमिफाइनल यात्रा तय गरेको हो। विरेन्द्रनगर सुर्खेतमा भएको खेलमा आर्मीले गण्डकीमाथि ३१–२९, २५–२१ र २५–२१ को सेटले पराजित गरेको हो ।
यसअघि आर्मीले सुदूरपश्चिमलाई ३–१ र पहिलो खेलमा कर्णाली प्रदेशलाई ३–० ले पराजित गरेको थियो। एपीएफले २५–१७, २५–१५, २२–२५ र २५–२० ले पुलिसलाई हराएको हो ।
यसअघिसमुह ए बाट एपीएफले पुलिसमाथि ३–१ को जिसहित सेमिफाइनल यात्रा तय गरेको छ।
समुह ए मा दुई विभागीय टिम एपीएफ, नेपाल पुलिस, लुम्बिनी प्रदेश, कोशी प्रदेश र बागमती प्रदेश छन्। समुह बी मा भने त्रिभुवन आर्मी क्लब, गण्डकी प्रदेश, कर्णाली प्रदेश, सुदूरपश्चिम प्रदेश र मधेश प्रदेश छन्।