सहिद स्मारक ए डिभिजन लिग पाचौं चरणमा आइपुग्दा नेपाल पुलिस क्लबले अंकको खाता खोलेको छ। शनिबार त्रिपुरेश्वरस्थित दशरथ रंगशालामा भएको खेलमा न्युरोड टिम एनआरटीलाई बराबरीमा रोक्दै पुलिसले पहिलो अंक जोडेको हो।
पुलिस र एनआरटीबीचको खेल १–१ गोलको बराबरी सकिएको थियो । खेलमा एनआरटीका सञ्जिव विष्ट र पुलिसका प्रताप गुरुङले गोल गरे ।
पहिलो हाफ गोलरहित बराबरीमा सकिएको खेलमा ६४औं मिनेटमा सञ्जिवले एनआरटीलाई अग्रता दिलाए। एनआरटीको अग्रता १० मिनेटभन्दा बढी टिक्न सकेन । ७५औं मिनेटमा प्रताप गुरुङले गोल गर्दै पुलिसलाई लिगमा पहिलो अंक दिलाए।
पहिलो अंक जोडेसँगै पुलिसले पुछारमा छ भने ५ खेलमा २ अंक जोडेको एनआरटीले पुछारबाट दोस्रो स्थानमा छ।
