कीर्तिपुरस्थित टियू मैदानमा जारी एकदिवसी सिरिजको दोस्र्रो खेलमा नेपालले टस जितेको छ । केही सयमपछि सुरु हुने खेलमा नेपालका कप्तान सन्दीप लामिछानेले जिम्बाबे एविरुद्ध टस जितेर पहिला फिल्डिङ गर्ने निर्णय गरेका छन्।
मुख्य प्रशिक्षक पुबुदु दसानायकले टिममा २ परिवर्तत गरेका छन् । उनले युवा अलराउन्डर आदिल आलमको स्थानमा अर्का अलराउन्डर सुनिल धमलालाई मौका दिएका छन् भने स्पिनर सुशन भारीको स्थानमा ब्याट्सम्यान विनोदन भण्डारीलाई पनि टिममा राखिएको छ। सुनिल लामो समयपछि टिममा परेका हुन्।
३ खेलको एकदिवसीय सिरिजको पहिलो खेलमा नेपाल ३ विकेटले पराजित भएको थियो । सिरिज विश्वकप लिग–२ अन्तर्गतको त्रिकोणात्मक सिरिजको तयारीका लागि आयोजना गरिएको हो।
नेपाली टिमः कुशल भुर्तेल, आसिफ सेख, दीपेन्द्रसिंह ऐरी, आरिफ सेख, रोहितकुमार पौडेल, विनोद भण्डारी, सुनिल धमला, सोमपाल कामी, करण केसी, सन्दीप लामिछाने, सागर ढकाल।
