आसन्न साफ च्याम्पियनसिपका लागि प्रारम्भिक नेपाली टिम घोषणा गरिएको छ। मुख्य प्रशिक्षक भिनसेन्जो अल्बर्टो एनेसले मंगलबार राति ३० सदस्यीय प्रारम्भिक टिम घोषणा गरेका हुन्।
जारी सहिद स्मारक ए डिभिजन लिगमा गरेको प्रदर्शनका आधारमा मुख्य प्रशिक्षक एनेसले टिम छनोट गरेका हुन्।
असार ६ देखि भारतमा हुने साफ च्याम्पियनसिपमो १४औं संस्करणमा नेपाल भारत, पाकिस्तान र कुवेतसँर्ग समूह एमा छ। समूह बीमा माल्दिभ्स, बंगलादेश, भुटान र लेवनान छन्।
अघिल्लो संस्करणको फाइनलिस्ट नेपालले असार ६ मा कुवेतसँग खेल्दै प्रतियोगिताको सुरुआत गर्नेछ। दोस्रो खेलमा नेपालले असार ९ गते आयोजक भारतसँग खेल्नेछ। तेस्रो तथा समूह चरणको अन्तिम खेलमा असार १२ गते पाकिस्तानसँग खेल हुनेछ। समूहका शीर्ष दुई टिम सेमिफाइनलमा पुग्ने छन्।
प्रारम्भिक टोली
गोलकिपर : किरण कुमार लिम्बु, दिप कार्की, विशाल श्रेष्ठ
डिफेन्डर : बिमल पाण्डे, सनिस श्रेष्ठ, अनन्त तामाङ, देवेन्द्र तामाङ, निशान्त खड्का, आशिस गुरुङ, विक्रम लामा, रोहित चन्द, सिमान्त थापा, एन्जल महर्जन
मिडफिल्डर : पुजन उपकरोटी, एरिक विष्ट, नविन लामा, मणि कुमार लामा, सुदिप गुरुङ, लाकेन लिम्बु, आवास लामिछाने, विशाल तामाङ
फरवार्ड : आयुष घलान नवयुग श्रेष्ठ, दिपकराजसिंह ठकुरी, अन्जन विष्ट, मनिष डाँगी, आशिष चौधरी, विमल घर्तिमगर, जिलेस्पी जंग कार्की, दिनेश हेम्जन
