बंगलादेशमा बिहीबारदेखि सुरु हुने एसियन सेन्ट्रल जोन पुरुष भलिबल च्यालेन्ज कपमा माल्दिभ्स सहभागी नहुने भएको छ। प्रतियोगितामा अब नेपालसहित ४ टिम मात्र सहभागी हुनेछन्।
प्रतियोगिताबाट माल्दिभ्सले नाम फिर्ता लिएसँगै आयोजक प्रतियोगिताका तालिका पनि परिर्माजन गरेको छ । नेपालसँगै आयोजक बंगलादेश, श्रीलंका र उज्वेकिस्तान रहेको प्रतियोगितामा नेपालले पहिलो खेल बंगलादेशसँग खेल्ने छ।
अब नेपालले बिहीबार पहिलो खेलमा घरेलु टोली बंगलादेशसंग खेल्ने भएको छ । नेपालले शुक्रबार उज्वेकिस्तान र आइतबार श्रीलंकासँग खेल्नेछ ।
कम्तीमा शीर्ष तीनमा रहेर पदक जित्ने लक्ष्यसहित बंगलादेश पुगेको नेपालका लागि माल्दिभ्स नआउने भएपछि केही सहज बनेको छ।