प्रथम राजु सोदेन मोमोरियल कप फुटबल प्रतियोगिताको उपाधि झापा एफसीले जितेको छ। मोरङको केराबारीमा भएको प्रतियोगिताको फाइनलमा नवोदय क्लब मोरङलाई सडन डेथमा पराजित गर्दै झापाले उपाधि जितेको हो।
निर्धारित समय र थप गरिएको समयको खेल १–१ गोलको बराबरीमा सकिएपछि च्याम्पियनको टुंगो सडन डेथबाट भएको थियो।
विजेता भन्दै झापाले १ लाख १ हजार १ सय ११ रुपैयाँ प्राप्त गर्यो भने उपविजेता नवोदय क्बले ५० हजार ५ हजार ५ सय ५५ रुपैयााँमा चित्त बुझायो।
उपाधिका साथै झापा एफसीले प्रतियोगिताका व्यक्तिगत उत्कृष्ट अवार्डहरू पनि हात पारेको थियो। झापा एफसीका बिप्लव गुरूङ उत्कृष्ट गोलकिपर तथा म्यान अफ द म्याच, गणेश हेमसुन उत्कृष्ट फरवार्ड भए भने प्रकाश चाैधरीले उत्कृष्ट प्रशिक्षकको अवार्ड पाएका थिए।
