इटालियन मिडफिल्डर निकोलो जानिओलो टर्किस क्लबमा आबद्ध भएका छन्। २३ वर्षीय मिडफिल्डर जानिओलो रोमाबाट टर्किस क्लब गालातासारेमा आबद्ध भएका हुन्।
फुटबल ट्रान्सफर मार्टेकका जानकार तथा इटालिनय खेल पत्रकार फाब्रिसियो रोमानोका अनुसार गालातासारेले जानिओलोका लागि २० मिलियन युरो खिर्चएएको छ। जानिओलोले गालातासारेसँग ४ वर्षको सम्झौता गरेको उनले उल्लेख गरेका छन्।
सन् २०१८मा इन्टर मिलानबाट रोमा आएका जानिओलोले रोमामा १२८ खेलमा २४ गोल गरेका छन्। उनले रोमाबाट अघिल्लो सिजन युईएफए कन्फ्रेन्स लिग जितेका थिए।
सन् २०१७मा भिर्टुस एन्टेलाबाट इन्टर आएका उनले इन्टरमा एक सिजन बिताए पनि कुनै खेल खेल्न पाएन्। इन्टरबाट रोमा पुगेकै सिजन उनी सिरिएका उत्कृष्ट युवा खेलाडी बनेका थिए।
