Read Time:1 Minute

स्पेनिस टेनिस खेलाडी राफेल नाडाल अष्ट्रेलियन ओपनको फाइनलमा प्रवेश गरेका छन् । अष्ट्रेलियाको मेलवर्नमा जारी प्रतियोगितामा इटालियन खेलाडी माटेओ बेरेट्टिनीलाई ३–१ को सेटमा पराजित गर्दै नाडाल छैठौं पटक फाइनल पुगेका हुन् ।

नाडालले बेरेट्टिनीलाई ६–३, ६–२, ३–६, ६–३ को सेटले पराजित गरे । समग्रमा नाडालको यो २९ औं ग्राण्डस्लाम फाइनल हो र उनी कीर्तिमानी २१ औं पटक ग्राण्डस्लाम उपाधि नजिक पुगेका छन् ।

त्यसका लागि अब ३५ वर्षीय नाडालले स्टेफानोस टिटिपास र डानियल मेदभेदेभबीच हुने दोस्रो सेमिफाइनलको बिजेतासँग खेल्नेछन् ।

नाडालसँगै रोजर फेडेरर र नोभाक जोकोभिचले समान २० पटक ग्राण्डस्लाम जितेका छन् । यसअघि ५ पटक अष्ट्रेलियन ओपनको फाइनल खेलेका नाडालले २००९ मा उपाधि जितेका थिए ।