भारतीय प्रशिक्षक रघुराम श्रीनिवास नेपाली राष्ट्रिय क्रिकेट टिमको फिल्डिङ सल्लाहकारमा नियुक्त भएका छन् । नेपाल क्रिकेट संघ (क्यान)ले आसन्न विश्वकप छनोटका लागि श्रीनिवासलाई नियुक्त गरेको हो।
ए लेभलका प्रशिक्षक श्रीनिवास आइतबार नै नेपाल आइपुगेका छन्। उनी र नेपाली टिमका मुख्य प्रशिक्षक पुबुदु दासानायकेले अमेरिकी टिममा सँगै काम गरेका थिए । प्रशिक्षक दासानायकेकै पहलमा उनी नेपाल आएका हुन्। दासानायकलेले उनी उर्जावान फिल्डर भएको र नेपाली क्रिकेटको अभावमा केही पूरा गर्न सक्ने बताएकाछन्।
क्यानले सन्दीप लामिछानेको कप्तानीमा १६ सदस्य टोली घोषणा गरिसकेको छ। नेपाली टोली फेब्रुअरी ८ वा ९ मा ओमान जाने तयारी गरेको छ। ग्लोबल छनोट ए मा नेपालसहित ओमान, बहराइन, क्यानडा, जमर्नी, आयरल्यान्ड, फिलिपिन्स र युएई गरि आठ टोली छन्।