निरन्तरको वर्षाको कारण सुरु हुन नसकेको नेपाल र युएईबिचको तेस्रो तथा निर्णायक टि२० सुरु हुने भएको छ । दुबईस्थित आइसिसी एकेडेमी मैदानमा नेपाली समयअनुसार २:४५ मा सुरु हुने भनिए पनि पानी परेपछि स्थगित भएको थियो ।
अहिले पानी रोकिएर पिच छोपिएको कभर हटाइ सकिएको छ । आउटफिल्ड पनि राम्रो अवस्थामा रहेकोले केही बेरमा खेल सुरु हुँदैछ । तर, समय पावन्दीका कारण पूरा २० ओभरको खेल भने हुनेछैन ।
वर्षाका कारण १० ओभरमा सिमित गरिएको खेलमा नेपालले टस हारेर पहिले ब्याटिङको निम्तो पाएको छ । नेपालले आजको खेलमा प्रदीप ऐरीको स्थानमा विनोद भण्डारीलाई खेलाएको छ भने अन्य खेलाडी दोस्रो खेल अनुसार नै रहेका छन् ।
पहिलो टि२० मा २१ रनले पराजित भएको नेपालले दोस्रो खेलमा ४ विकेटको जित निकाल्दै सिरिज बराबरी गरेको थियो ।
नेपालको प्लेइङ-११ :
- ज्ञानेन्द्र मल्ल
- विनोद भण्डारी
- पारस खड्का
- दीपेन्द्रसिंह ऐरी
- सुन्दीप जोरा
- पवन सर्राफ
- सोमपाल कामी
- करण केसी
- सन्दीप लामिछाने
- ललित नारायण राजवंशी
- अभिनाश बोहरा