आफूलाई राष्ट्रिय खेलकुद परिषद् (राखेप)को सदस्य सचिवबाट बर्खास्त गरेको भन्दै रमेश सिलवालले हालेको रिट सर्वोच्च अदालतले राखेज गरेको छ।

राखेप सदस्य सचिवको नयाँ नियुक्त र बर्खास्ती सम्बन्धि परेको रिटको सुनुवाई गर्दै न्यायाधिशद्वय अनिलकुमार सिन्हा र कुमार रेग्मीको इजलाशले सिलवालको रिट खारेज गरेको हो।

सिलवालको रिट खारेज भएसँगै टंकलाल घिसिङले नै राखेपको सदस्य सचिवमा निरन्तरता पाएका छन् । शेरबहादुर देउवा नेतृत्वको सरकारले सिलावाललाई कात्तिक १ गते बर्खास्त गर्दै मंसिर १३ गते टंकलाललाई सदस्य सचिव नियुक्त गरेको थियो।