लड्समा जारी भारतविरुद्धको दोस्रो टेस्टको पहिलो इनिङमा इंग्ल्यान्डलाई जो रुटले सम्हालिरहेका छन्। भारतले पहिलो इनिङमा ३६४ रन बनाएपछि जवाफी ब्याटिङ थालेको इंग्ल्यान्डलाई कप्तान रुटले सम्हालेपछि उ विस्तारै खेलमा फर्कंदै छ।
दोस्रो दिनमा साप्तिमा इंग्ल्यान्ड ३ विकेटको क्षतिमा ११९ रन बनाएर खेलिरहेको छ। उसका रुट ४८ र जोनी बेइस्टो ६ रनमा क्रिजमा छन् । त्यसअघि उसका रोए बुर्नसले ४९ रन बनाए भने डम सिब्ले ११ रन बनाएर आउट भए।
भारतका मोहम्मद रिसाजले २ विकेट लिए भने मोहम्मद सामीले १ विकेट लिए।
यसअघि २७६–३को स्थितिबाट दोस्रो दिनको सुरुआत गरेको भारतले थप ८८ रन बनाउँदा ७ विकेट गुमाएको थियो । उसका लागि केलएल राहुलले शतकीय योगदान दिए । उनले १२९ रनको योगदान दिए।
यस्तै, रोहित शर्माले ८३, कप्तान विराट कोहलीले ४२, रविन्द्र जडेजाले ४० र ऋषव पन्तले ३७ रनको योगदान दिए । इंग्ल्यान्डका जेम्स एन्डरसनले ५ तथा ओली रोबिन्सन र मार्क उडले समान २ विकेट लिए।