नेपाली धाविका सन्तोषी श्रेष्ठले शुक्रबार बंगबन्धु सेख मुजिव ढाका इन्टरनेसनल म्याराथनमा दक्षिण एसियाको महिलातर्फ स्वर्ण जितेकी छिन्। उनको यो म्याराथनमा डेब्यु दौड हो र उनले दुई घण्टा ४६।२२ मिनेटमा दौड पूरा गरिन् ।
यो नेपालको नयाँ राष्ट्रिय कीर्तिमान पनि हो। त्यही विधामा पुष्पा भण्डारी दोस्रो रहिन् । उनले दुई घण्टा ४९।३३ मिनेटमा दौड पूरा गरिन् । यसअघि महिला म्याराथनको कीर्तिमान उनकै नाममा थियो।
पुष्पाले यसअघि यसै म्याराथनको विधामा स्वर्ण जितिसकेकी छिन् । प्रशिक्षक रघुराज वन्तका अनुसार सन्तोषी अब म्याराथनमै केन्द्रित हुनेछिन् ।