नेपाली क्रिकेटर सोमपाल कामीले युएईमा भइरहेको टी–१० लिगमा पहिलो विकेट लिएका छन् । यसअघिका ३ खेलमा विकेट लिन नसकेका उनले मंगलबार चौथो खेलमा विकेट लिएका हुन् ।
साविक विजेता मराठा अरेबियन्सबाट खेलिरहेका सोमपालले कलन्दर्सविरुद्धको खेलको चौथो ओभर बलिङ गर्दै १९ रन खर्चेर १ विकेट लिए । सोमपालले चौथो ओभरको अन्तिम बलमा कप्तान सोहेल अख्तर एबलीडब्ल्यु धरापमा परे ।
सोमपालको बलिङमा सर्जिल खानले २ र सोहेलले १ छक्का प्रहार गरेका थिए ।
पुने डेभिल्सबाट खेलिरहेका अर्का नेपाली खेलाडी करण केसीले टीम अबुधाबीका क्रिस गेललाई आउट गर्दै टी–१० मा पहिलो विकेट लिएका थिए । अर्का नेपाली खेलाडी कुशल मल्लले भने अहिलेसम्म खेल्ने अवसर पाएका छैनन् ।
