Read Time:1 Minute

आयोजक वालिङ एफसी वालिङ गोल्डकपको फाइनलमा प्रवेश गरेको छ। बुधबार भएको खेलमा विभागीय टिम एपिएफलाई १–०ले हराउँदै वालिङ उपाधि नजिक पुगेको हो।

एपिएफविरुद्ध वालिङलाई जित दिलाउन विदेशी खेलाडी अजयी मार्टिन्सले निर्णायक गोल गरे। उनले खेलको छैटौं मिनेटमै गोल गरेका थिए। उनले टिकाराज गुरुङको पासमा हेडमार्फत गोल गरेका थिए।

वालिङ एफसीले अधिंकाश ए डिभिजन क्लबका खेलाडीलाई टिममा राखेको थियो।

बिहीबारको दोस्रो सेमिफाइनल खेल आयोजक वालिङ युनाइटेड (रातो) र एभनिर एफसी, क्यामरुन बीच हुने छ।

वालिङ युनाइटेड एफसी, वालिङ, स्याङ्जाको आयोजना तथा वालिङ नगरपालिका, स्याङ्जाको विशेष सहयोगमा जारी प्रतियोगिताको विजेताले उपाधिसहित नगद ५ लाख हात पार्नेछ भने उपविजेताले २ लाख ५० हजार प्राप्त गर्नेछ । फाइनल खेल माघ ७ गते हुनेछ।