सनराइजर्स हैदराबादले बिहीबार आईपीएलको प्ले–अफमा आफ्नो स्थान सुरक्षित गरेको छ । गुजरात टाइटन्सविरुद्धको खेल भारी वर्षाका कारण हुन नसकेपछि हैदराबादले अर्को चरण खेल्ने निश्चित भएको हो ।
वर्षाले खेल पूर्णतः बिथोलिएपछि दुवै टिमले एक(एक अंकमा चित्त बुझाए। हैदराबादको १५ अंक भएको छ र लिग तालिकाको तेस्रो स्थानमा छ । गुजरात भने यसअघि नै प्ले–अफ पुग्ने समीकरणबाट बाहिरिसकेको छ।
अब प्ले–अफ खेल्ने अन्तिम तथा चौथो टिमका लागि डिफेन्डिङ च्याम्पियन चेन्नई सुपर किंग्स र रोयल च्यालेन्जर्स बेंगलुरु भिड्ने छन्। कोलकाता नाइट राइडर्स र राजस्थान रोयल्स यसअघि नै प्ले–अफ पुगिसकेका छन्।