नेपाली अल्ट्रा धावक मनकुमार रोका मगरले स्वीट्जरल्याण्डमा भएको दौडमा दोस्रो स्थान हात पारेका छन्।
४९औं ओब्रोनाज रामब्रेट रेसको १० किमीतर्फ मनकुमार दोस्रो भएका हुन्। उनी ३ सेकेण्डले मात्र पछि पर्दै दोस्रो भएका हुन्।
मनले निर्धारित दूरी १ घण्टा ३ सेकेण्डमा पूरा गरेका थिए। दौतमा विभिन्न देशका ३०० धावकले भाग लिएका थिए।
गत जुलाईमा स्वीट्जरल्याण्ड गएका मनकुमारले त्यहाँ तीन वटा रेस दौडिसकेका छन्।
तार्सिस अनके रनिङ क्लबमा आबद्ध भएका मनले यसअघि जुलाई पहिलो साता भएको ट्रेल भर्बिएर सेन्ट बर्नार्ड बाई युटिएमबीमा उनी १५०० धावकमध्ये आठौं भएका थिए।
यस्तै २८ किलोमिटर दूरीको एन्जेरी टुर डेज अल्पेज भलाइज रेसमा तेस्रो भएका थिए। अहिलेसम्म त्यहाँको प्रशिक्षण र रेसहरुमा सहभागि हादा अनुभव बटुल्ने मौका पाएकोले अबको रेसमा राम्रो गर्ने मनकुमारले बताए।