आईपिएलको यो सिजनमा रोयल च्यालेन्जर्स बैंगलुरु (आरसिबी)को कप्तानी ब्याट्सम्यान रजत पटिदारले गर्ने भएका छन्।
बैंगलुरुले एक कार्यक्रम गर्दै पटिदारलाई कप्तान नियुक्त गरेको हो। कार्यक्रममा मो बोबाट, मुख्य प्रशिक्षक एन्डी फ्लावर पनि उपस्थित थिए।
स्टार ब्याट्सम्यान विराट कोहलीले राजीनामा दिएपछि आरसिबीको कप्तान फाफ डु प्लेसिसले गरेका थिए। तर, आरसिबीले यो सिजन डु प्लेसिसलाई रिलिज गरेको थियो।
३१ वर्षीय पटिदारलाई आरसिबी मेगा अक्सनअघि रिटेन गरेको थियो। उनीसँगै आरसिबीले कोहली र यश दयाललाई रिटेज गरेको थियो। उनी सन् २०२१मा आरसिबीमा आएका थिए।
त्यसयता उनले आईपिएलमा उत्कृष्ट प्रर्दशन गरिरहेका छन्। आईपिएलमा उनले २७ खेल खेल्दै १५८.८५को स्ट्राइक रेटमा ७ अर्धशतकसहित ७९९ रन बनाएका छन्।
यो सिनज उनले घरेलु प्रतियोगिता विजय हजारे ट्रफी र सैयद मुस्तक अली ट्रफीमा मध्य प्रदेशको कप्तानी गरेका थिए। उनको कप्तानीमा दुवै प्रतियोगितामा टिमले उत्कृष्ट प्रदर्शन गरेको थियो।
आरसिबीको कप्तान बनेपनि पटिदारले टिममा लिडर्सको ग्रुपै नै रहेको बताउँदै उनीहरुको अनुभवले आफूलाई मद्दत गर्ने बताएका छन्। टिमम विराट कोहली जस्ता सर्वश्रेष्ठ खेलाडी रहेको बताउँदै उनीबाट सिक्ने मौका आफूले पाउने उल्लेख गरे। कोहलीको अनुभवले पनि आफूलाई धेरै मद्दत पुग्ने उनले बताएका छन्।
आरसिबीले फाफ डु प्लेसिसलाई रिनेट नगरेपछि कोहली पुनः कप्तान बन्ने अधिकांशको अनुमान थियो। तर, आरसिबीले पटिदारलाई कप्तान बनायो।
पटिदार आरसिबीको कप्तान बने कोहलीले आफू र पुरै टिम उनको साथमा रहेको बताएका छन्। पटिदारले टिममा जसरी प्रगती र प्रदर्शन गरे त्यसले प्रसंशकको मत जितेको बताउँदै उनी कप्तानको हकदार भएको कोहलीले बताएका छन्।