युएईमा जारी एसिया कप क्रिकेटमा भारतले सानदार जित निकालेको छ। बुधबार राति दुबईमा भएको खेलमा भारतले युएईविरुद्ध २७ बलमै ९ विकेटठको जित निकाल्यो।
युएईले दिएको ५८ रनको झिनो लक्ष्य भारतले ४.३ ओभरमा १ विकेटको क्षतिमा भेट्टायो। भारतका लागि ओपनर अविशेक शर्माले १६ बलमा २ चौका र ३ छक्का मद्दतमा ३० रन बनाउँदा शुभमन गिलले ९ बलमा २ चौका र १ छक्का मद्दतमा २० रन बनाए। कप्तान सूर्यकुमार यादव ७ रनमा नटआउ रहे।
युएईका लागि एकमात्र विकेट जुनैद सिद्धिकीले लिए।
त्यसअघि पहिला ब्याटिङ गरेको युएई १३.१ ओभरमा ५७ रनमै अलआउट भयो। कुलदीप यादव र शिवम दुवेले घातक बलिङ गरेपछि युएईमा ७ ब्याट्सम्यान सिंगल डिजिजमा आउट भए। उसका दुवै ओपनरले मात्र दोहोरो अंकमा स्कोर गरे। जसमा अलिसान सरफूले १७ बलमा २२ र कप्तान मुहम्मद वासिमले २२ बलमा १९ रन बनाए।
भारतका लागि कुलदीप यदावले २.१ ओभरमा ७ रन मात्र खर्चेर ४ विकेट लिँदा शिवम दुवेले २ ओभरमा ४ रनमात्र खर्चेर ३ विकेट लिए। जस्प्रित बुमराह, अक्षर पटेल र वरुण चक्रवर्तीले समान १ विकेट लिए।