च्याम्पियन्स ट्रफीको फाइनल आज हुँदैछन्। दुबईमा आज दिउँसो २ः४५ बजे हुने खेलमा भारत र न्युजिल्यान्ड भीड्दै छन्।
यी दुवै टिम प्रतियोगितामा इनफर्म टिम हुन्। दुवै उत्कृष्ट क्रिकेट खेलिरहेका छन्। त्यसैले फाइलन प्रतिस्धर्पात्मक र रोमाञ्चक हुने अपेक्षा गर्न सकिन्छ।
एकदिवसीय क्रिकेटमा उत्कृष्ट प्रदर्शन गरिरहेको भारत उपाधि दाबेदारीमा केही बलियो छ। भारतले रोहित शर्माको कप्तानीमा आईसिसीको एकदिवसीय खेलमा १ खेल मात्र हारेको छ। त्यो पनि सन् २०२३मा घरमै भएको एकदिवसीय विश्वकप फाइनल थियो।
भारत अपराजित रहँदै फाइनल पुगेको हो। उसले समूह चरणमा पाकिस्तान, बंगलादेश र न्यूजिल्यान्डलाई हराएको थियो भने सेमिफाइनलमा उसले अस्ट्रेलियालाई हराएको थियो।
च्याम्पियन्स ट्रफी पाकिस्तानले आयोजना गरेको भए पनि भारतले सबैखेल दुबर्इृमा खेलेको छ। त्यसको केही फाइदा भारतलाई हुनेछ।
भारतको यो लागतार तेस्रो च्याम्पियन्स ट्रफी फाइनल हो भने रोहित शर्मको कप्तानीमा पछिल्लो २ वर्षमा चौथो आईसिसीको प्रतियोगिताको फाइनल हो। त्यसैले पनि भारत बलियो रहेको प्रमाणित हुन्छ।
फाइनलमा भारतका लागि विराटन कोहली, रोहित शर्मा, शुभमन गिल र श्रेयस ऐरको ब्याटिङमा निभर रहन्छ भने हार्दिक पाण्ड्या बल र ब्याट दुवैमा महत्वपूर्ण हुनेछन्। यता, बलिङमा भारतका मोहम्मद सामी र वरुण चक्रवर्ती मुख्य हतियार हुनेछन्।
यता, न्युजिल्यान्ड पनि उपाधि दाबेदारमा कमजोर भने छैन। उत्कृष्ट लयमा रहेको न्युजिल्यान्ड २० वर्षपछि च्यान्पियन्स ट्रफीको उपाधि जित्ने अभियानमा छ।
फाइनल यात्रका क्रममा न्युजिल्यान्डले समूहमा पाकिस्तान र बंगलादेशलाई हराएको थियो भने भारतसँग पराजित भएको छ। ऊ सेमिफाइनलमा दक्षिण अफ्रिकालाई हराउँदै फाइनल पुगेको हो।
फाइनलमा न्युजिल्यान्डका लागि रचिन रविन्द्र, केन विलियम्सन, टम लाथम, ग्लेन फिलिम्सको ब्याटिङ महत्वपूर्ण हुनेछ। यता, बलिङमा मिचेल सान्टनर र म्याट हेनरीको भूमिका महत्वपूर्ण हुनेछ। सेमिफाइनलमा चोट बोकेका हेनरी खेल्ने–नखेल्ने टुंगो नभएकाले यो न्युजिल्यान्डका लागि तनावको विषय हुनसक्छ।