सन् २०२५ को आइसिसी च्याम्पियन्स ट्रफी पाकिस्तानले आयोजना ग¥यो। भारतले पाकिस्तानमा खेल्न अस्वीकार गरेपछि २९ वर्षपछि आईसिसी प्रतियोगिता आयोजना गरेको पाकिस्तानले च्याम्पियन्स ट्रफीका सबैखेल घरेलु मैदानमा गर्न सकेन।
हाइब्रिड मोडलमा भएको प्रतियोगिताका कुल १५ खेल मध्ये फाइनल र एक सेमिफाइनलसहित ५ खेल दुबईमा भयो।
आयोजक भएपनि फाइनल पनि घरेलु मैदानमा गर्न नसकेको पाकिस्तानले तीन दशक पछि आईसिसीको प्रतियोगिता आयोजनाको अवसर पाए पनि त्यसबाट ठूलो घाटा व्यहोरोको छ।
प्रतियोतिगाबाट आयोजक पाकिस्तानले सात अर्ब ३९ करोड रुपैयाँ घाटा व्यहोरेको छ । ‘हाइब्रिड’ मोडेलमा प्रतियोगिता आयोजना गर्नुपरेपछि ठूलो घाटा भएको पाकिस्तान क्रिकेट बोर्ड (पिसिबी)ले जनाएको छ।
पाकिस्तानले च्याम्पियन्स ट्रफी आयोजना गर्न आठ अर्ब ६९ करोड बजेट छुट्याइएको थियो । टिकट र मिडियाबाट ५२ करोडसँगै अन्य विभिन्न स्रोतबाट पाकिस्तानले ७८ करोड रुपैयाँ आम्दानी गर्यो ।
भारतले पाकिस्तानमा नखेल्नु नै आयोजकले ठुलो घाटा सहनुपरेको अन्तर्राष्ट्रिय मिडियाले जनाएको छ । वर्षाका कारण तीन खेल रद्द हुनु पनि घाटाको
अर्को कारण रह्यो। यी तीन खेलमा टससमेत हुन पाएन । पाकिस्तानले तीनवटै खेलका टिकटको सबै रकम दर्शकलाई फिर्ता गरेको थियो ।
भारत फाइनल नपुग्ने अपेक्षसहित फाइनल टिकट समेत बचेको पिसिबीले भारत फाइनल पुगेपछि फाइनलको टिकटको पैसा समेत फिर्ता गरेको थियो।
पाकिस्तानले ठुलो धनराशी खर्चेको थियो । सबैभन्दा धेरै बजेट रंगशालाको पुननिर्माणमै समावेश थियो । पिसिबीले रावलपीण्डी, कराँची र लाहोरको गद्दाफी रंगशालालाई विश्वस्तरीय बनाउन लगभग पाँच अर्ब ६० करोड रुपैयाँ खर्च गर्यो ।
प्रतियोगिताको उपाधि भारतले जितेको थियो। उसले फाइनलमा न्युजिल्यान्डलाई हराएको थियो।