अस्ट्रेलिया च्याम्पियन्स ट्रफीको सेमिफाइनलमा प्रवेश गरेको छ। शुक्रबार लाहोसमा भएको अफगनिस्तानविरुद्धको खेल वर्षाले बीचमै रोकिएपछि अस्ट्रेलिया सेमिफाइनलमा पुगेको हो।
समूह बीमा अस्ट्रेलियाले १ खेल जित्दा २ खेल वर्षाका कारण रद्द भएका थियो। उसको ४ अंक भएको छ।
यता, वर्षाले खेल रद्द भएसँगै अफगानिस्तान भने प्रतियोगिताबाट लगभल बाहिरिएको छ। उसको गणीतिय सम्भावना बाँकी नै छ, तर त्यो असम्भव जस्तै छ। अफगानिस्तानलाई सेमिफाइलन पुग्न आज हुने खेलमा दक्षिण अफ्रिका इंग्ल्यान्डसँग एकदमै ठूलो अन्तरले पराजित हुनुपर्नेछ।
अस्ट्रेलिया र अफगानिस्तानबीचको खेल दोस्रो इनिङको १३औं ओभर चलिरहँदा भारी वर्षापछि खेल रद्द भएको थियो। खेल रद्द हुँदा २७४ रनको लक्ष्य पछ्याएको अस्ट्रेलिया १२.५ ओभरमा १०९–१को बलियो अवस्थामा थियो। उसका त्रभिस हेटले ४० बलमा ५९ रन बनाउँदा म्याथु सर्टले २० र स्टिभ स्मिथले १९ रन बनाएका थिए।
त्यसअघि लाहोरमा टस जितेर पहिला ब्याटिङ गरेको अफगानिस्तानले अन्तिम बलमा अलआउट हुँदै २७३ रन बनाएको थियो। अफगानिस्तनका लागि सदिकउल्लाह अतलले सर्वाधिक ८५ रन बनाए। उनले ९५ बलमा ६ चौका र ३ छक्का प्रहार गरे।
३१.२ ओभरमा अतल आउट हुँदा अफगानिस्तानले १७६–५को अवस्थामा थियो। त्यसपछि कप्तान हस्मतुल्ला साहिदी र मोहमम्द नाबी चाँडै आउट भएपछि ऊ १९९–६को दबाबपूर्ण अवस्थामा आएको थियो। तर, त्यसपछि इनफर्म ब्याट्सम्यान अज्मतुल्लाह ओमरजाइले ६३ बलमा १ चौका र ५ छक्का प्रहार गर्दै ६७ रनको महत्वपूर्ण इनिङ खेलेपछि अफगानिस्तान बलियो अवस्थामा पुग्यो।
बलिङमा अस्ट्रेलियाका बेन ड्वासिसले ३ तथा स्पेन्सर जोन्सन र एडम जम्पाले समान २ विकेट लिए।