वर्षाले खेल हुन नसकेपछि गुजराज टाइटन्स प्ले अफमा पुग्न असफल भएको छ। सोमबार राति हुने भनिएको गुजराजत र कोलकाता नाइट राइडर्सबीचको खेल भारी वर्षापछि रद्द भएको थियो।
आईपिएलको नयाँ टिम पहिलो पटक प्ले अफमा पुगन असफल भएको हो। पहिलो पटक नै उपाधि जितेको गुजरात अघिल्लो सिजन पनि फाइनल पुगेको थियो।
१३ खेलबाट जम्मा ११ अंक जोडेको गुजरात ८औं स्थानमा छ। योसँगै प्रतियोगिताबाट बाहिरिने गुजरात तेस्रो टिम बनेको छ। यसअघि नै मुम्बई इन्डियन्स र पञ्जाब किंग्स बाहिरिसकेका थिए।
यता, वर्षाका कारण १ अंक प्राप्त गरेपछि कोलकाताले शीर्ष २मा रहँदै क्वालिफायरमा स्थान पक्का गरेको छ। कोलकाता भने १९ अंकसहित शीर्ष स्थानमा छ।
सम्भवतः उसले प्लेफमा राजस्थान रोयल्ससँग खेल्ने छ। राजस्थान २ खेल बाँकी छँदा १६ अंकसहित दोस्रो स्थानमा छ।