इन्टरनेशनल लिग टि–२०मा आज गल्फ जायन्ट्स र डेजर्टस् भाइपर्स भीड्दै छन्।
दुबईमा राति सबा ८ बजे सुरु हुने खेल नेपालीहरू क्रिकेट प्रेमीको चासोको खेल हुनेछ।
जसमा, इन्टरनेशनल लिग टि–२० खेलिरहेका दुई नेपाली स्टार खेलाडी दीपेन्द्रसिंह ऐरी र कुशल मल्ल आपसमा भिडिरहेका छन्।
लिगमा दीपेन्द्र गल्फ जायन्ट्स र कुशल डेजर्टस् भाइपर्समा आबद्ध छन्। दीपेन्द्र लागतार दोस्रो पटक गल्फ जायन्ट्समा आबद्ध भएका हुन् भने कुशलले पहिलो पटक लिग खेलिरहेका हुन्।
लिगमा दुवै टिमसले समान १ खेल खेलेका छन्। जसमा कुशलको टिम भाइपर्स विजयी हुँदा दिपेन्द्रको टिम जायन्ट्स भने पराजित भएको थियो।
सुरुआती खेलमा दीपेन्द्र र कुशल दुवै वेञ्चमा थिए। टि–२०मा आईसिसीको अलराउन्डर वरीयतामा दोस्रो स्थानमा रहेका दीपेन्द्रलाई बेञ्चमा राखेपछि क्रिकेटप्रेमीले जायट्सको आलोचना गरेका थिए।
दोस्रो खेलमा दीपेन्द्र प्लेइङ ११ मा पर्ने सम्भावना छ भने कुशलको सम्भावना न्युन छ।
जायन्ट्सको कप्तानी जेम्स भिन्सले गरिरहेका छन्। टम कुरान, टिम डेविड, जोर्डन कक्स, जेरार्ड इरास्मस लगायत खेलाडी छन् भने लकी फर्गुसनको कप्तानीमा रहेको भाइपर्समा साम कुरान, फखर जमानलगायत खेलाडी छन्।