च्याम्पियन्स ट्रफीको उपाधि भारतले जितेको छ। आइतबार दुबईमा भएको फाइनलमा न्युजिल्यान्डलाई ४ विकेटले हराउँदै भारतले अपराजित रहँदै उपाधि जितेको हो।
लागतार तेस्रो पटक फाइनल खेलेको भारतले दोस्रो पटक उपाधि जितेको हो। सन् २०१३मा च्याम्पियन बनेको भारत सन् २०१७मा पाकिस्तानसँग पराजित भएको थियो।
रोहित शर्माको कप्तानीमा भारतको यो दोस्रो आर्इंसिसी उपाधि हो। अघिल्लो वर्ष टि२० विश्वकप उपाधि जितेको थियो। रोहिको कप्तानीमा भारतले एकदिवसीय विश्वकप र विश्व टेस्ट च्याम्पियनसिपको फाइलन पनि खेलेको छ। दुवैमा भारत उपविजेता बनेको थियो।
यो उपाधिसँगै रोहित र विराट कोहली सर्वाधिक आईसिसी उपाधि जित्ने भारतीय खेलाडी बनेका छन्। दुई च्याम्पियन्स ट्रफीसहित ४ उपाधि जितेका छन्। रोहितले सन् २००७को टि २० विश्वकप र विराटनले सन् २०११ को एकदिवसीय विश्वकप जितेका छन्।
न्युजिल्यान्डले दिएकाृ २५२ रनको चुनौतीपूर्ण लक्ष्य भारतले १ ओभर बाँकी छँदा ६ विकेटको क्षतिमा भेट्टायो । भारतलाई जित दिलाउन कप्तान रोहित शर्माले अर्धशतीय इनिङ खेले। उनले ८३ बलमा ७ चौका र ३ छक्का माद्दतमा ७६ रन बनाए।
यस्तै, श्रेयस ऐयरले ६२ बलमा ४८ रन बनाउँदा केएप राहुलले ३४, शुभमन गिलले ३१ र अक्षर पटेलले २९ रन बनाए।
रोहित र शुभमनले शतकीय साझोदारी गर्दै भारतलाई उत्कृष्ट सुरुआत दिलाएका थिए। यी दुईले १८.४ ओभरमा १०५ रनको साझेदारी गरेका थिए। प्रतियोतिगामा भारतको यो पहिलो विकेटका लागि पहिलो शतकीय साझेदारी हो। त्यसपछि थप १६ रन जोड्दा शुभमन, विराट कोहली र रोहितलाई गुमाएपछि भारत दबाबमा आएको थियो। तर चौथो विकेटका लागि अक्षर र श्रेयसले ६१ रनको साझेदारी गर्दै भारतको जितको आधार खडा गरेका थिए।
बलिङमा न्युजिल्यान्डका लागि मिचेल सान्टनर र मिचेल ब्रेसवेलले समान २ विकेट लिए भने रचिन रविन्द्र र कायल जेमिन्सनको नाममा समान १ विकेट रह्यो।
त्यसअघि टस हारेर पहिला ब्याटिङ गरेको न्युजिल्यान्डले ७ विकेटको क्षतिमा २५१ रन मात्रै बनाउन सकेको थियो। उसका लागि डार्यल मिचेल र मिचेल ब्रेसवेलले अर्धशतक प्रहार गरे। मिचेलले १०१ बलमा ३ चौका मद्दतमा ६३ रन बनाउँदा ब्रेसवेलले ४० बलमा ३ चौकार २ छक्का मद्दतमा ५३ रन बनाए।
न्युजिल्यान्डले उत्कृष्ट सुरुआत गरेको थियो। उसले ७।५ ओभरमा ५७ रन बनाउँदै राम्रो सरुआत गरेको थियो। जसमा रचिन रविन्द्रले २९ बलमा ३७ रन बनाए। त्यसपछि लगातार विकेट जाँदा न्युजिल्यान्ड १०८–४को अवस्थामा आएको थियो। त्यसपछि मिचेलसँग ग्लेन फिलिप्सले ४६ रनको साझेदारी गर्दै न्युजिल्यान्डको इनिङ उकासेका थिए। फिलिप्सले ३४ रन बनाए।
बलिङमा भारतका कुलदीप यादव र वरुण चक्रवर्तीले समान २ विकेट लिँदा रविन्द्र जडेजा र मोहम्मद सामीले समान १ विकेट लिए।