इन्डिज प्रिमियर लिग (आईपिएल)मा लखनउ सुपर जायन्ट्स विजयी भएको छ। मंगलबार राति भएको लो स्कोरिक म्याचमा लखनउमा मुम्बईमाथि ४ विकेटको जित निकाल्यो।
मुम्बईले दिएको १४५ रनको सामान्य लक्ष्य लखनउले ४ बल बाँकी छँदा ६ विकेट गुमाएर भेट्टायो। उसका लािग मार्कस स्टोइनिसले सर्वाधिक ६२ रन बनाए। उनले ४५ बलमा ७ चौका र २ छक्का प्रहार गरे।
त्यस्तै कप्तान केएल राहुलले २२ बलमा ३ चौका र १ छक्काको मदले २८ रन बनाउँदा दिपक हुडाले १८ र निकोलस पुरनले १४ रन बनाए।
बलिङमा मुम्बईका हार्दिक पाण्ड्याले २ तथा नुवान तुसारा, जेराल्ड कोत्जी र मोहम्मद नाबीले समान १ विकेट लिए।
टस हारेर पहिला ब्याटिङ गरेको मुम्बईले ७ विकेट गुमाएर १४४ रन मात्र बनाउन सक्यो। पावरप्लेमै ४ विकेट गएपछि मुम्बई दबाबमा आएको थियो।
मुम्बईका लागि नेहाल वडेराले सर्वाधिक ४६ रन बनाए। उनले ४१ बलमा ४ चौका र २ छक्का प्रहार गरे। टिम डेविड १८ बलमा ३ चौका र १ छक्का प्रहार गरी ३५ रन बनाउँदा ओपनर इशान किशनले ३२ रन जोडे।
बलिङमा लखनउका मोहसिन खानले २ तथा मार्कस स्टोइनिस, नवीन उलहक, मयंक यादव र रवि बिस्नोईले समान१ विकेट लिए।
जितसँगै लखनउ १२ अंकसहित तेस्रो स्थानमा उक्लेको छ। उसको प्लेअफ सम्भावना बलियो बनेको छ। यता, ६ अंकसहिन नवौं स्थानमा रहेको मुम्बईका प्लेअफ सम्भावना क्षीण बनेका ेछ। अब उसले बाँकी ४ फाराकिलो अन्तरले जित्नुपर्ने छ भने अरु खेलको नतिजा पनि कुर्नुपर्नेछ।