इन्डियन प्रिमियर लिग (आईपीएल) मा बलरहरुले उत्कृष्ट प्रदर्शन गरेपछि गुजरात टाइटन्स विजयी भएको छ। आइतबार भएको पहिलो खेलमा गुजराजतले सनराइजर्स हैदराबादमाथि ७ विकेटको सहज जित निकाल्यो।
१६३ रनको लक्ष्य गुजरातले १९.१ ओभरमा ३ विकेटको क्षतिमा भेट्टायो । गुजरातको जितमा डेविड मिलरले २७ बलमा ४ चौका र २ छक्कासहित ४४ रन बनाए।
यस्तै, साई सुदर्शनले ३६ बलमा ४ चौका र १ छक्कासहित ४५ रन बनाउँदा ऋद्धिमान शाहले २५ र शुभमन गिलले ३६ रन बनाए। हैदराबादका प्याट कमिन्स, मयंक मारकन्डेय र शाहबाज अहमदले समान १ विकेट लिए।
त्यसअघि नरेन्द्र मोदी स्टेडियम अहमदाबादमा टस जितेर पहिला ब्याटिङ गरेको हैदराबादले २० ओभरमा ८ विकेट गुमाउँदै १६२ रन बनाएको थियो।
उसका लागि ओपनर ट्रविस हेड १९, मयंक अग्रवाल १६, अभिषेक शर्मा २९, एडेन माक्ररम १७, हेनरिक क्लासेन २४, शाहबाज अहमद २२ र अब्दुल सामद २९ रनमा आउट भए।
गुजरातका मोहित शर्माले ४ ओभरमा २५ रन खर्चेर ३ विकेट लिए। आजमतुल्लाह ओमजरलाई, उमेश यादव, रासिद खान र नुर अहमदले समान १ विकेट लिए।