१७औं संस्करणको आर्यपिएल उपाधि कोलकाता नाइट राइडर्सले जितेको छ। आइतबार राति चेन्नईस्थित एम चिदम्बर स्डेटियममा भएको फाइनलनमा सनराइजर्स हैदरावादमाथि ८ विकेटको एकतर्फी जित निकाल्दै कोलकाताले तेस्रो पटक उपाधि जितेको हो।
१० वर्षपछि च्याम्पियन बन्ने क्रममा कोलकाताले ११४ रनको समान्य लक्ष्य १०.३ ओभरमा २ विकेट गुमाउँदै भेट्टायो। उसका लागि वेंकटेश ऐरले २६ बलमा ४ चौका र ३ छक्कासहित सर्वाधिक ५२ रन बना भने रहमनुल्लाह गुर्बाज ३२ बलमा ५ चौका र २ छक्कासहित ३९ रन बनाए।
हैदराबादका शहबाज अहमद र प्याट कमिन्सले समान १ विकेट लिए।
त्यसअघि टस जितेर पहिला ब्याटिङ रोजेको हैदराबाद १८.३ ओभरमा ११३ रनमा अल आउट भयो। सिजन भर उत्कृष्ट प्रदर्शन गरेका उसका ओपनरद्वय अभिशेक शर्मा र त्रभिस हेट सस्तैमा आउट भएपछि सुरुआतबाटै हैदरावाद दबाबमा आएको थियो।
हैदराबादका लागि कप्तान प्याट कमिन्सले १९ बलमा २ चौका र १ छक्कासहित सर्वाधिक २४ रन बनाए भने एडेन माक्ररम २०, नितेश रेड्डी १३ र हेनरिक क्लासेनले १६ रन बनाए।
हैदरावादलाई सस्तैमा समेट्ने क्रममा आन्द्रे रसेलले २.३ ओभरमा १९ रन खर्चेर ३ विकेट लिए भने मिचेल स्टार्क र हर्षित रानाले समान २ विकेट लिए।