आईपिएलको ‘एल क्लासिको’का रुपमा परिचत चेन्नई सुपर किंग्स र मुम्बई इन्डियन्सबीचको खेलमा चेन्नई विजयी भएको छ। आइतबार राति घरेलु मैदानमा भएको खेलमा चेन्नईले मुम्बइृमाथि ४ विकेटको जित निकाल्यो।
पछिल्ला केही वर्षमा चेन्नई मुम्बईमाथि हावी हुँदै आएको छ। पछल्लिो ७ भीडन्तमा चेन्नईले ६ खेल जित्दा मुम्बईले १ खेल मात्र जितेको छ।
मुम्बईले दिएको १५६ रनको मध्यम लक्ष्य चेन्नईले १९.१ ओभरमा ६ विकेटको क्षतिमा भेट्टयो। उसका लागि रचिन रविन्द्रले सर्वाधिक ६५ रन बनाए। उनले ४५ बलमा २ चौका र ४ छक्का प्रहार गरे।
यस्तै, कप्तान रुतुराज गायकवाडले पनि विस्फोटक रुपमा अर्धशतक बनाए। उनले २६ बलमा ६ चौका र ३ छक्का प्रहार गर्दै ५३ रन बनाए। उनको यो आईपिएलको फास्टेस्ट अर्धशतक हो। रविचन्द्र जडेजाले १७ रन बनाए।
बलिङमा मुम्बईका विगनेश पुथुरले ४ ओभरमा ३२ रन मात्र खर्चेर ३ विकेट लिए। स्टेट टिममा पनि नखलेका उनको यो आईपिएलको डेब्यू खेल थियो। यस्तै, दीपक चहर र विल ज्याक्सले समान १ विकेट लिए।
त्यसअघि पहिला ब्याटिङ गरेको मुम्बईले ९ विकेटको क्षतिमा १५५ रन मात्र बनाउन सकेको थियो। उसका तिलक बर्माले सर्वाधिक ३१ रन बनाउँदा कप्तान सूर्यकुमार यादवले २९, दीपक चहरले २८ र नमन धिरले १७ रन बनाए।
रोहित शर्मा भने शुन्य रनमै आउट भए। योसँगै उनी आईपिएल सर्वाधिक डक हुने खेलाडीको सूचीमा उभिएका छन्। रोहितसँगै दिनेश कात्तिक र डेविड वार्नर समान १८ पटक डक भएका छन्।
बलिङमा चेन्नईका नूर अहमदले ४ ओभरमा १८ रन खर्चेर ४ विकेट लिए भने खलिल अहमदले ३ विकेट लिए।
यो हारसँगै मुम्बईले सन् २०१३ देखि आईपिएलको पहिलो खेलको हारको यात्रालाई निरन्तरता दिएको छ।