नेपालमा लामो समयपछि ‘रेड बल’ क्रिकेट अर्थात मल्टिडे क्रिकेट जय ट्रफी मेन्स एलिट कप क्रिकेट वीरगञ्ज र जनकपुरमा सुरु भएको छ।
बिहान ९ बजेबाट नै सुरु हुने भनिए पनि बाक्लो हुस्सुका कारण भिजिबिलिटी कम हुँदा खेल केहीबेर अघि मात्र सुरु भएको छ।
४ टिम सहभागी प्रतियोगिताको पहिलो दिन वीरगञ्जस्थित नारायणी रंगशालामा दुई विभागीय टिम त्रिभुवन आर्मी क्लब र नेपाल पुलिस क्लब भिडिरहेका छन् भने जनकपुरधामको रामजानकी अन्तर्राष्ट्रिय क्रिकेट मैदानमा मधेश प्रदेश र बागमती प्रदेशबीच खेल भइरहेको छ।
नारायणी रंगशालामा टस जितेर पुलिसले बलिङ रोजेपछि आर्मी ब्याटिङ गरिरहेको छ। ताजा अवस्थामा ६ ओभरमा आर्मीले २ विकेटको क्षतिमा ७ रन बनाएको छ। उसका सोमपाल कामी र कुशल मल्ल क्रिकजमा छन्। अप्रत्यासित रुपमा सोमपाल खेलमा ओपनिङमा आएका थिए।
आर्मीका दुवै विकेट ललित राजवंशीले आफ्नो पहिलो ओभरमै लिएका थिए। जसमा सन्तोष कार्की १ र तृतराज दास डक भएका थिए।
यता, रामजानकी क्रिकेट मैदानमा मधेश ब्याटिङमा छ। ताजा अवस्थामा उसले ७ ओभरको समाप्तिमा २१ रन बनाउँदा १ विकेट गुमाएको छ। उसका कप्तान हरिशंकर साह १८ बलमा ४ रन बनाएर आउट भए।
क्रिजमा मयन यादव १६ र निज यादव शुन्य रनमा खेलिरहेका छन्। बागमतीका लागि नन्दन यादवले विकेट लिएका छन्।