आईसीसी विश्वकप लिग–२ अन्तर्गतको जारी क्रिकोणात्मक सिरिजमा नेदरल्यान्ड्स विजयी भएको छ। घरेलु मैदानमा भएको खेलमा नेदरल्यान्ड्सले अमेरिकालाई १९ रनले हरायो।
जितेर ब्याटिङ गर्दै नेदरल्यान्ड्सले दिएको २३८ रनको लक्ष्य पछ्याएको अमेरिका ४८.५ ओभरमा २१८ रनमै अलआउट भयो। उसका लागि मिलिन्द कुमारले सर्वाधिक ६९ रन बनाउँदा आरोन जोन्सले ४७, स्मिथ पटेलले ३८ रनको योगदान दिँदा अन्यले गतिलो योगदान दिन सकेनन्।
बलिङ नेदरल्यान्ड्सका भिभियन किंग्माले ३ विकेट लिँदा आर्यन दत्त, पाउल भान मिकेरेन र शरिज अहमदले समान २ विकेट लिए।
पहिला ब्याटिङ गरेको नेदरल्यान्ड्सले ७ विकेटका क्षतिमा २३७ रन बनायो। उसका ागि कप्तान कप्तान स्कट एडवार्ड्स र विक्रमजित सिंहले अर्धशतकीय योगदान दिए।
एड्वार्ड्सले ५५ बलमा ६ चौकासहित सर्वाधिक ६५ रन बनाउँदा विक्रमजित ८३ बलमा ५९ रन बनाए। यसतै, म्याक्स ओडाउड ६७ बलमा ४९ रनको महत्वपुर्ण योगदान दिए।
बलिङमा अमेरिकाका मिलिन्द कुमारले २ तथा जसदिप सिंह, जुआनी ड्रयास्डल र स्टेभन टेलरले समान १ विकेट लिए।
जितसँगै ६ खेलमा ८ अकं जोड्दै नेदरल्यान्ड्स तेस्रो स्थानमा उक्लिएको छ भने अमेरिका २ खेलमा २ अंक नै जोड्दै छैठौं स्थानमा छ।