युवा तीव्र गतिका बलर मयंक यादवले लागातार उत्कृष्ट बलिङ प्रदर्शन गरेपछि आईपिएपलमा लखनउ सुपर जायन्ट्स विजयी भएको छ। मंगलबार राति भएको खेलमा मयंक चम्किँदा लखनउ ले रोयल च्यालेन्जर्स बैंग्लोरलाई २८ रनले हरायो।
१८२ रनको विजयी लक्ष्य पछ्याएको बेंग्लोरले १९.४ ओभरमा सबै विकेट गुमाएर १५३ रन बनायो। उसका महिपाल लोमरोरले १३ बलमा ३ चौका र ३ छक्कासहित सर्वाधिक ३३ रन बनाए। यस्तै, रजत पाटिजारले २९, विराट कोहली २२, फाफ डु प्लेसिस १९ रन बनाए।
बलिङमा मयंक यादवले ४ ओभरमा १४ रन खर्चेर ३ विकेट लिए। उनी लगातार दोस्रो खेलमा प्लेयर अफ द म्याच चुनिए। यस्तै, नवीन उल हकले २ विकेट लिए।
त्यसअघि चिन्नास्वामी स्टेडियममा टस हारेर पहिला ब्याटिङको निम्तो पाएको लखनऊले २० ओभरमा ५ विकेट गुमाउँदै १८१ रन बनाएको थियो
उसका ओपनर क्विनटन डि ककले ५६ बलमा ८ चौका र ५ छक्कासहित सर्वाधिक ८१ रन बनाए। निकोलस पुरनले २१ बलमा १ चौका र ५ छक्कासहित ४०, मार्कस स्टोइनिस २४ र लोकेश राहुल २० रनमा आउट भए।
बेंग्लोरका ग्लेन म्याक्सवेलले २, रिस टोप्ली, यश दयाल र मोहम्मद सिराजले समान १ विकेट लिए।