नेपाल ए र आयरल्यान्ड्स वुल्भ्सबीचको एकदिवसीय सिरिज आजबाट सुरु भएको छ। कीर्तिपुरस्थित टियू मैदानमा जारी खेलमा नेपालले बलिङ गरिरहेको छ।
आयरल्यान्ड्स वुल्भ्सले टस जितेर ब्याटिङ रोजेपछि नेपाल ए बलिङमा आएको हो।
यसअघि भएको टि–२० सिरिज आयरल्यान्ड्स वुल्भ्सले २–१ले जितेको थियो। एकदिवसीय सिरिज पनि ३ खेलेको हुनेछ।
नेपाली टिममा राष्ट्रिय टिमबाट खेलिसकेका खेलाडीहरुको बाहुल्यता छ। जसमा कप्तान विनोद भण्डारी, आरिफ सेख, भीम सार्की, देव खनाल अर्जुन साउदलगायत छन्।
ताजा अवस्थामा १० ओभरको समाप्तिमा आयरल्यान्ड्स वुल्भ्स ३६–२को अवस्थामा छ। नेपालका रिजन ढलका र साहब आलमले समान १ विकेट लिएका छन्।
नेपाली टिम : विनोद भण्डारी, अर्जुन कुमाल, देव खनाल, भीम सार्की, अर्जुन साउद, आरिफ शेख, बसिर अहमद, कमलसिंह ऐरी, शहब आलम, रिजन ढकाल र मौसम ढकाल।