आईसीसी विश्वकप लिग–२ को दोस्रो सिरिजमा नेपालले आज तेस्रो खेल खेल्दै छ। क्यानडामा जारी त्रिकोणात्मक सिरिजमा नेपालले नेपाली समयअनुसार राति ८ः४५ बजे घरेलु टोली क्यानडाको सामाना गर्ने छ।
सिरिजमा यससअघिका दुवै खेल हारेको नेपाल ती दुवै हार बिर्सँदै पहिलो जितको खोजीमा मैदान उत्रने छ। तर, त्यसका नेपालले बल, ब्याट र फिल्डिङ तीनै क्षेत्रमा प्रदर्शन सुधार गर्नुपर्ने छ।
यता, क्यानडामा भने दुवै खेल जितकाले नेपालविरुद्ध उच्च मनोबलका साथ मैदान उत्रने छ।
पहिलो खेलमा नेपाल क्यानडासँग १०३ रनको फराकिलो अन्तरले पराजित पराजित भएको थियो भने भने दोस्रो खेलमा ओमानसँग एक विकेटले पराजित भएको थियो।
लिग–२ मा नेपालले अहिलेसम्म ५ खेलमा हार व्यहोरेको छ र अंक तालिकामा सातौं स्थानमा छ। लगातारको हारपछि नेपाल जित्नै पर्ने दबाबमा आज क्यानडासँग भिड्र्दै छ।
नेपाल र क्यानडाले अहिलेसम्म ४ एकदिवसीय खेल खेलेका छन्। जसमा नेपालले ३ जित हासिल गरेको छ भने एक खेल क्यानडाले जितेको छ। त्यस्तै लिग–२ मा क्यानडाले भने अहिलेसम्म १० खेलमा ६ जित हासिल गरेको छ भने १२ अंकसहित दोस्रो स्थानमा रहेको छ।
नेपालले ओमानसँगसमेत पहिलो खेलमा १ विकेटको हार खाएको छ। ओमानसँगको अन्तिम खेल नेपालले मंगलबार खेल्नेछ।
नेपालले ओडीआई सिरिजपछि क्यानडा र ओमानसँग टी–२० सिरिजमासमेत प्रतिस्पर्धा गर्नेछ।