घरेलु मैदानमा जारी टि २० विश्वकप छनोटमा नेपालले सानदार सुरुआत गरेको छ। सोमबार कीर्तिपुरस्थित टियू मैदानमा भएको खेलमा कुशल भुर्तेलको सानदार व्याथिङ मद्दतमा नेपालले सिंगापुरमाथि ८ विकेटको सहज जित निकाल्यो।
सिंगापुरले दिएकाृ १४६ रनको लक्ष्य नेपालले १६.३ ओभरमा मात्र २ विकेट गुमाएर भेट्टायो। नेपालको जितमा कुशल भुर्तेलले ७४ रन बनाए। उनले ४८ बलमा ८ चौका र २ छक्का प्रहार गरे।
यस्तै, कप्तान रोहित पौडेलले २४ बलमा समान २ चौका र छक्का प्रहार गर्दै नटआउट ३५ रन बनाए भने आसिफ शेखले २६ बलमा २ चौका र १ छक्का प्रहार गर्दै २७ रन बनाए।
पहिला ब्याटिङ गरेको सिंगापुरले निर्धारित ओभरमा ९ विकेटको क्षतिमा १४५ रन बनायो।
टस जितेर पहिला ब्याटिङ गरेको सिंगापुरका लागि रोहन रंगराजनले सर्वाधिक ४६ रन बनाए। उनले ३० बलमा ९ चौका र १ छक्का प्रहार गरे।
यस्तै, टि २० आईमा डेब्यू गरेका आर्यवीर चौधरीले २५ बलमा ५ चौका प्रहार गर्दै ३७ रन बनाए भने मनप्रित सिंहले २६ बलमा ३ चौका प्रहार गर्दै २४ रन बनाए।
नेपालका लागि अविनाश बोहराले ३ विकेट लिए भने करण केसी, सन्दीप लामिछाने, गुल्सन झा र अविनाश बोहराले समान २ विकेट लिए।