नेपालले अष्ट्रेलियन क्रिकेट टेरिटोरी (एसिटी) विरुद्धको दोस्रो अभ्यास खेलमा पनि जित निकालेको छ।
मंगलबार दिउँसो भएको खेलमा दीपेन्द्र सिंह ऐरीले अलराउन्डर प्रदर्शन गरेपछि नोपलले एसिटीलाई ६ विकेटले हरायो। यसअघि आजै भएको पहिलो खेल नेपालले ४१ रनले जितेको थियो।
एसिटीले दिएको ९७ रनको झिनो लक्ष्य नेपालले १३.२ ओभरमा ४ विकेटको क्षतिमा भेट्टयो। २५ रनमै ३ विकेट गुमाएको नेपालका लागि १ बल खेलेका दीपेन्द्रले १ चौका र ३ छक्कासहित अविजित ४२ रन बनाए भने गुल्सन झाले २३ रन बनाए। बलिङमा एसिटीका इ रहेमानले २ विकेट लिए।
त्यसअघि पहिले ब्याटिङ गरेको एसिटीले १७.२ ओभरमा ९६ रनमै अलआउट भयो। उसका लािग एन ब्रोसले सर्वाधिक १६ रन तथा केयोग, म्याक नमारा र टि हिगनले समान १५ रन बटुले।
एसिटीलाई सस्तैमा समेट्ने क्रममा दीपेन्द्र र सहाब अलामले समान ४ विकेट लिए। सहाबले ४ ओभरमा १२ र दीपन्द्रले १३ रन मात्र खर्चिए।