आईसिसी विश्वकप लिग २ र त्रिकोणात्मक टि २० सिरिजको तयारीका लागि यूकेमा रहेको नेपाली क्रिकेट टिमले बिहीबार नै २ टि२० अभ्यास खेल खेलेको छ। स्थानीय ग्लोसेस्टरशायर क्बलसँगको दुवै खेलमा नेपाल सहज रुपमा विजयी भएको छ।
युकेमा नेपालका यो लगातार चौथो जित हो। यअसघिका ५० ओभरका २ अभ्यास खेलमा पनि नेपाल विजयी भएको थियो।
नेपालले पहिलो खेलमा ग्लोसेस्टरशायरलाई ७३ रनले हराया्े । नेपालले दिएको १९५ रनको लक्ष्य पछ्याएको ग्लोसेस्टरशायर १७.३ ओभरमा १२१ रनमा अलआउट भयो।
उसका जेम्स मात्राभर्सले सर्वाधिक ३७ रन बनाए । नेपालका नन्दन यादव, सन्दीप लामिछाने र बसिर अहमदले समान २ विकेट ।
त्यसअघि पहिला ब्याटिङ गरेको नेपालले २० ओभरमा ६ विकेट गुमाएर १९४ रन बनाएको थियो । नेपालका लागि कुशल भुर्तेलले सर्वाधिक ४६ रन बनाए । ३० बल खेलेका उनले ६ चौका र २ छक्का प्रहार गरे ।
त्यस्तै रोहित पौडेलले ३५, दिपेन्द्रसिंह ऐरीले ३२ र अनिल साहले २९ रन बनाए भने आरिफ शेख ९ बलमा नटआउट २२ रन बनाए। ग्लोसेस्टरशायरका लागि डेभिड पेन र अमन राओले समान २ विकेट लिए।
यस्तै, दोस्रो खेलमा नेपाल दास्रो खेलमा ५ विकेटले विजयी भयो। ग्लोसेस्टरशायरले दिएको १६९ रनको लक्ष्य नेपालले ५ विकेटको क्षतिमा १४.२ ओभरमा भेट्टायो । नेपाललाई सानदार जित दिलाउने क्रममा आसिफ सेखले ४२ बलमा नटआउट ८४ रन बनाउँदा आरिफ सेखले ३० रन बनाए।
ग्लोसेस्टरशायरले ६ विकेटको क्षतिमा १६८ रन बनाएको थियो। उसका डिजे अहमदले २९ बलमा ५२ रनको उत्कृष्ट इनिङ खेलेका थिए। बलिङमा नेपालका सोमपाल कामीले ३ विकेट लिए।