एसिसी प्रियिमर कप र टि–२० विश्वकपको तयारीका लागि भारतमा रहेको नेपाली टिममा त्रिकोणात्मक सिरिजको चौथो खेलमा पराजित भएको छ। शुक्रबार भएको खेल नेपाली टिम बरोडासँग ३७ रनले पराजित भयो।
दीपेन्द्रसिंह ऐरीको कप्तानीमा मैदान उत्रिएको १५७ रनको लक्ष्य पछ्याएको नेपाल १८.५ ओभरमा ११९ रनमै अलआउट भयो। सुरुआती ४ ब्याट्सम्यान सस्तैमा पभेलियन फर्किएपछि दबाबमा आएको नेपालका लागि सन्दीप जोराले सम्हालिएको इनिङ खेल्दै अर्धशतक बनाए।
सन्दीपले ४३ बलमा ३ चौका र ४ छक्का प्रहार गर्दै ५६ रनको पारी खेले । यस्तै, विवेक यादवले २५ बलमा १७, कुशल भुर्तेलल १० बलमा १६ बनाउँदा अन्यले दोहोरो अंकमा स्कोर बनाउन सकेनन्।
बरोडाका ध्रुव पटेलले ४ विकेट तथा लक्षित तोक्सियाले ३ विकेट लिए।
त्यसअघि टस जितेर ब्याटिङ गरेको बरोडाले ८ विकेटको क्षतिमा १५६ रन जोड्यो। शास्वत रावतले ३१ रन, ध्रुव पटेलले २९ रन, अमित पासीले २६ रन जोडे।
बलिङमा नेपालका करण केसी र गुल्सन झाले २(२ विकेट लिए। आकास चन्द, ललित राजवंशी र प्रतिश जिसीले १ विकेट लिए।
बरोडाको यो सिरिजमा पहिलो जित हो। यो हारका बाबजुद पनि नेपालले फाइलन भने खेल्नेछ। यसअघिका तीनै खेल जित्दै नेपाल फाइनल पुगेको थियो। नेपालले उपाधिका लागि गुजरातसँग खेल्नेछ।