युगान्डामा नेपाली महिला टिमले आज चौथो खेल नामिबियासँग खेल्दै

12 Mar, 2025

युगान्डामा जारी चार देश सम्मिलित ‘वुमन्स डे कप’ टि–२० सिरिजमा नेपालले आज चौथो खेल खेल्दै छ।

युगाण्डाको एन्टेब्बे क्रिकेट ओभलमा नेपाली समय अनुसार दिउँसो पौने १ बजे सुरु हुने खेलमा नेपालले नामिबियाको सामाना गर्ने छ।

यसअघिका तीन खेलमा १ खेल मात्र जितेको नेपाल दोस्रो जितको खोजीमा हुनेछ। यता, नामिबियाको अवस्थामा पनि त्यस्तै छ।

नेपाल सिरिजको पहिलो खेलमा नामिबियासँगै पराजित भएको थियो भने दोस्रो खेलमा आयोजक युगान्डालाई हराएको थियो। तेस्रो खेलमा नेपाल हङकङसँग पराजित भएको थियो।

यता, नामिबियाले नेपाललाई हराउँदा युगान्डा र हङकङसँग पराजित भएको थियो।

नेपालले अर्को खेल बिहीबार युगाण्डासँग र चैत १ गते हङकङविरुद्ध खेल्ने छ।