ब्रान्डन म्याकमुलेनको अर्धशतक मद्दतमा सुदूरपश्चिम रोयल्सले काठमाडौं गुर्खाजलाई १६८ रनको प्रतिस्पर्धात्मक लक्ष्य दिएको छ। टियू मैदानमा टस हारेर पहिला ब्याटिङ गरेको सुदूरपश्चिमले ६ विकेटको क्षतिमा १६७ रन बनायो।
सुदूरपश्चिमका लागि म्याकमुलेनले ३६ बलमा ३ चौका र ४ छक्का प्रहार गर्दै सर्वाधिक ५३ रन बनाए। यस्तै, कप्तान दीपेन्द्रसिंह ऐरीले २५ बलमा ३ चौका र २ छक्का मद्दतमा ४३ रन बनाए।
ओपनर विनोद भण्डारीले २८ बलमा समान २ चौका र छक्का मद्दतमा ३५ रन बनाए। विनोद र म्याकमुलेनले दोस्रो विकेटका लागि ८६ रनको उत्कृष्ट साझेदरी गरेका थिए। यी दुई क्रिजमा हुँदा सुदूपश्चिमले २ सय रन पु¥याउने अपेक्षा गरिएको थियो। तर, त्यसपछि लगातार विकेट गएपछि ठूलो योगफल बनेनन्।
बलिङमा काठमाडौंका रसिद खानले उत्कृष्ट बलिङ गरे। उनले ४ ओभरमा २० रन मात्र खर्चेर २ विकेट लिए। यस्तै, करण केसी, साहब आलम र जेरार्ड इरास्मसले समान १ विकेट लिए।