स्कटिस ब्याट्सम्यान ब्रान्डन म्याकमुलेनले पहिलो संस्करणको नेपाल प्रिमिययर लिग (एनपिएल) खेल्ने भएका छन्। सुदूरपश्चिम रोयल्सले २५ वर्षीय म्याकमुलेनलाई अनुबन्धन गरेसँगै उनले एनपिएल खेल्ने पक्का भएको हो।
स्कटल्यान्डका स्टार ब्याट्सम्यान म्याकमुलेल सुदूरपश्चिममा आबद्ध पहिलो विदेशी खेलाडी हुन्।
दायाँ हाते ब्याटर म्याकमुलेनले स्कटल्यान्डबाट १६ टि–२० अन्तर्राष्ट्रियमा ६ अर्धशतकसहित ४९७ रन बनाएका छन्। उनले सन् २०२३ मा जर्मनीविरुद्ध खेल्दै टि–२० अन्तर्राष्ट्रियमा डेब्यू गरेका थिए।
त्यसयता उनी स्कटल्याण्डका मुख्य ब्याट्सम्यान हुन्। उनले २२ एकदिवसीयमा २ शतक र २ अर्धशतकसहित ७२१ रन बनाएका छन्।
सुदूरपश्चिममा अस्ट्रेलियाका विश्वकप विजेता पूर्वक्रिकेटर ब्राड हज मेन्टरका रुपमा रहने छन्।
दीपेन्द्रसिंह ऐरी मार्की खेलाडी रहेको सुदूरपश्चिम रोयल्सको मुख्य प्रशिक्षकमा जगत टमाटा छन्।