अन्तिम ओभरमा ४ विकेट लिएपछि विराटनगर किंगसले १३४ रनको सामान्य लक्ष्य पाएको छ। टस हारेर पहिला ब्याटिङ गरेको कर्णाली याक्स अन्तिम ओभरमा कुनै रन नजोड्दै ४ विकेट गुमाएपछि ऊ १३३ रनमै सेमिटियो।
प्रतिश जिशीले अन्तिम ओभरमा जिशम मक्सुद, नन्दन यादव र विपिन शर्माले आउट गरे भने युनिस ठकुरी रनआउट भएका थिए।
कर्णालीका लागि विलियम बसिस्टोले सर्वाधिक ६६ रन बनाए। उनले ४९ बलमा ५ चौका र ३ छक्का प्रहार गरे। यस्तै, देव खनालले पनि अर्धशतकीय पारी खेले। उनले ४८ बलमा ४ चौका र २ छक्का मद्दतमा ५३ रन बनाए।
यी दुईले तेस्रो विकेटका लागि शतकीय साझेदारी गरेका थिए। अन्यले भने दोहोरो अंकमा स्कोर बनाउन सकेनन्। यी दुईले ९–२ को अवस्थाबाट कर्णालीलाई १११–२को अवस्थामा ल्याएका थिए। तर, १६औं ओभरको तेस्रो बलमा देव खनाल आउट भएपछि भने कर्णालीले लागतार विकेट गुमाएको थियो। त्यसपछि २२ रन जोड्दा उसले ७ विकेट गुमाएको थियो।
उसका आशा गरिएका ब्याट्सम्यानहरू शिखर धवन ५, चाड्विक वाल्टन १, गुल्सन झा शुन्य, अर्जुन घर्ती १ र जिसन मक्सुद २ रनमै पभेलियन फर्किए।
कर्णालीको इनिङ धरासयी बनाउने क्रममा विराटनगरका प्रतिश जिसीले ४ ओरभमा १७ रन मात्र खर्चेर ४ विकट लिए भने क्रिस सोल र बासिर अहमदले समान २ विकेट लिए। अकिब इलियासको नाममा १ विकेट रह्यो।