न्युजिल्यान्ड भ्रमणमा रहेको पाकिस्तानले लज्जास्पद हारको सामाना गरेको छ। आइतबार क्राइश्चर्चमा भएको टि २० सिरिजको पहिलो खेलमा पाकिस्तान ९ विकेटको फराकिलो अन्तरले पराजित भयो।
पाकिस्तानले दिएको ९२ रनको झिनो लक्ष्य न्युजिल्यान्डले १०.१ ओभरमा १ विकेटको क्षतिमा भेट्टायो। उसका लागि टिम सेफर्टले २९ बलमा ७ चौका र १ छक्का मद्दतमा ४४ रन बनाउँदा फिन एलेनले २९ र टिम रोविन्सनले १८ रन बनाए।
पाकिस्तानका लागि एकमात्र विकेट अब्रार अहमदले लिए।
त्यअसघि पहिला ब्याटिङ गरेको पाकिस्तान १८.४ ओभरमा ९१ रनमै अलआउट भयो। उसका लागि खुसदिल साहले सर्वाधिक ३२ रन बनाउँदा कप्तान सलमान आघाले १८ र जहान्दाद खानले १७ रन बनाए।
पाकिस्तानको इनिङ धरासायी बनाउने क्रममा ज्याकोव डुफीले ३.४ ओभरमा १४ रन मात्र खर्चेर ४ विकेट लिए भने कायल जेमिन्सनले ४ ओभरमा १ मेडनसहित ८ रन मात्र खर्चेर ३ विकेट लिए। इश सोधीको नाममा २ विकेट रह्यो।