नयाँ प्रशिक्षक र कप्तान बनाएको पञ्जाब किंग्सले आईपिएलमा सानदार सुरुआत गरेको छ। रिकी पोन्टिङ प्रशिक्षक र श्रेयस ऐयर कप्तान बनेपछि आईपिएलमा पञ्जाबले लागतार दोस्रो जित निकालेको छ।
लागतार दोस्रो जित निकाल्ने क्रममा पञ्जाबले लखनउ सुपर जायन्ट्सलाई उसकै मैदानमा ८ विकेटको सानदार जित निकाल्यो। १७२ रनको लक्ष्य पञ्जाबले १६.२ ओभरमा २ विकेटको क्षतिम भेट्टायो।
उसका लागि प्रभसिम्रन सिंहसले ३४ बलमा ९ चौका र ३ छक्का मद्दतमा ६९ रन बनाए। यस्तै, कप्तान श्रेयस ऐयरले पनि अन्तिम बलमा छक्का प्रहार गर्दै ५२ रनको इनिङ खेले। उनले ३० बलमा ३ चौका र ४ छक्का प्रहार गरे। नेहाल वडेराले २५ बलमा ३ चौका र ४ छक्का मद्दतमा ४३ रन बनाए।
बलिङमा लखनउका लागि दुवै विकेट दिग्वेस राठीले लिए।
त्यसअघि पहिला ब्याटिङ गरेको लखउनउले ७ विकेटको क्षतिमा १७१ रन बनायो। उसका लागि निकोशल पुरनले ३० बलमा ५ चौका र २ छक्का मद्दतमा ४४ रन बनाए भने आयुष बधोनीले ३३ बलमा ४१ रन बनाए। यस्तै, एइडल मारक्रमले १८ बलमा २८ रन बनाउँदा अब्दुल समदले १२ बलमा २७ रनको बनाए।
बलिङमा पञ्जाबमा अर्शदीप सिंहले ३ विकेट लिँदा लोकी फर्गुसन, ग्लेन म्याक्सवेल, मार्को यान्सन र युजभेन्द्र चाहलले समान १ विकेट लिए।
पञ्जाबले लागतार दोस्रो जित निकाल्दा लखनउको तेस्रो खेलमा दोस्रो हार हो। उसले १ जित मात्र निकालेको छ।