कप्तान रोहितकुमार पौडेलले शानदार शतक प्रहार गरेपछि नेपालले वेस्टइन्डिज एविरुद्धको पहिलो टि–२०मा ४ विकेटको रोमाञ्चक जित निकालेको छ। २०५ रनको लक्ष्य पछ्याएको नेपालले २ बल बाँकी छँदा ६ विकेटको क्ष्ँतिमा लक्ष्य भेट्टाएको थियो।
टि–२० क्रिकेटमा पहिलो शतक प्रहार गरेका रोहित पोस्ट म्याच कन्फ्रेसमा आज आफ्नो दिन भएको बताए। उनले बलियो टिमविरुद्ध प्राप्त जितले आफूहरु उत्साहित भएको बताए।
पहिलो इनिङमा दोस्रो हाफको राम्रो बलिङ पनि जितको कारक भएको उनले बताए। ‘दोस्रो हाम्रो बलिङ गर्न सक्यो, र २०४ रनमै रोक्यो,’ रोहित भने ‘आज मेरो थियो, क्रिजमा एक जना टिकिरहे जितिन्छ भन्ने थियो, त्यही अनुसार खेलेँ।’
रोहितले सूरुआत देखिनै आक्रमक ब्याटिङ गरेका थिए। पावर प्लेमै ब्याटिङका लागि आएका रोहितले आक्रमक खेल्ने कुनै प्लान नभएको बताउँदै बल अनुसार आफूले रियाक्ट गरेको बताए।