अमेरिका टि–२० विश्वकपको तयारी गरिरहेको नेपाली क्रिकेट टिमका कप्तान रोहित पौडेलले नेपालले विश्वकपमा जुनसुकै टिमलाई हराउन सक्ने बताएका छन्।
मैदानमा सबैक्षेत्रमा उत्कृष्ट प्रदर्शन गर्नसके जुनसुकै टिमलाई हराउने रोहितले बताए। ‘टिमको रुपमा सबै क्षेत्रमा राम्रो गर्न सक्यौं भने हामी कुनैपनि टोलीलाई हराउन सक्छौं,’ उनले भने, ‘तर खेलको दिन हामीले आफ्नो उत्कृष्ट दिनुपर्यो।’
रोहितले अमेरिकाले टेस्ट राष्ट्र बंगलादेशलाई तीन खेलको टि–२० सिरिजमा सुरुआती दुई खेलमा हराउँदै सिरिज जितेपछि नेपाली टिमको पनि मनोबल बढेको बताए। टि–२० विश्पकपमा बंगलादेश र नेपाल एकै समूहमा छन्।
विश्वकपमा नेदरल्यान्ड्स, बंगलादेश, श्रीलंका र दक्षिण अफ्रिकासँगै नेपाल समूह डी’मा छ। नेपालले नेदरल्यान्ड्ससँग खेल्दै प्रतियोगिताको सुरुआत गर्ने छ।
अमेरिकामा अभ्यास गरिरहेको नेपाली टिममले त्यहाँको स्थानीय टिमसँग २ अभ्यास खेल खेल्नेछ भने विश्वकपअघि अमेरिका र क्यानडासँग वार्मअप म्याच खेल्ने छ।